Kapital Bank kartı olanların nəzərinə! – TƏCİLİ məlumat yayıldı 

 “Kapital Bank tərəfindən müştərilərə aid məlumatların internetdə satışa çıxarılması, istifadəçilərin adları və parollarının paylaşılması iddiası həqiqəti əks etdirmir”.

Bu barədə bankdan sorğumuza verilən cavabda qeyd olunub.

“Kapital Bankın 5 milyondan çox müştərisi var və onların hər birinin təhlükəsizliyi qorunur. Bunun üçün bankımızda ISO27001 standartı üzrə 54 nəzarət mexanizmi və 7/24 Kibermüdafiə mərkəzi, PCI DSS təhlükəsizlik standartı qurulub.

Müştərilərimizdən cihazlarının virusa yoluxmaması və kiberdələduzluq hallarından qorunmaları üçün etibarlılığı şübhə yaradan mobil tətbiqlərdən istifadə etməməyi, rəqəmsal platformalarda, veb-saytlarda qeydiyyatdan keçərkən diqqətli olmağı, şəxsi məlumatlarını, eləcə də istifadə etdikləri kartı üçüncü şəxslərə verməməyi xahiş edirik. Həmçinin kartın üzərində olan CVV – 3 rəqəmli kodu, SMS vasitəsilə gələn birdəfəlik 3D təsdiqləmə kodunu, şəxsiyyət vəsiqəsinin FIN kodunu heç kimlə bölüşməməyi, banklar adından hazırlanan qeyri-peşəkar videolara və reklam mətnlərinə inanmamağı tövsiyə edirik”, – deyə məlumatda bildirilib./globalinfo.az

***10:57

Kapital Bankın işçi və müştərilərinə aid məlumatlar internetdə (“Darkweb”) satışa çıxarılıb.

Bu barədə iddialar sosial şəbəkələrdə yayılıb.

Qeyd olunub ki, 79 mindən çox istifadəçinin adı və şifrələri potensial alıcılara verilib.

Saytımız yayılan informasiya ilə bağlı Kapital Banka sorğu ünvanlayıb. Yaxın saatlarda məlumat veriləcəyi bildirilib.