Toyda kişi müğənninin dostundan Nəfəsə təklif - DAVA DÜŞDÜ

Müğənni Nəfəslə həmkarı Pünhan Piriyev arasında 6 il əvvəl (2018-ci il) toyların birində insident baş verib.

Referans.az titul.az-a istinadən xəbər verir ki, bu barədə hər iki ifaçı qonaq olduqları verlişdə danışıblar.

Pünhan bildirib ki, məclisə yarım saatlıq fanoqram ifa etməyə gələn Nəfəsə bir dostunun sözü ilə səhnəyə yaxınlaşaraq ondan canlı oxumağını istəyib.

Nəfəs bu təklifi geri çevirdikdən sonra Pünhan dostunun əyləşdiyi masaya qayıdıb. Həmin şəxs müğənnidən Nəfəsin canlı oxuyub-oxumayacağını soruşanda Pünhan "atkaz" etdiyini bildirib.

Bu zaman dostu Pünhana "sözünü yerə saldı" deyərək onu qıcıqlandırıb. Gənc olduğu üçün həmin vaxt bu sözün ona çox pis təsir etdiyin bildirən Pünhan yenidən səhnəyə Nəfəsin yanına dönüb. Bu zaman qadın ifaçıya istəyini geri çevirdiyi üçün sərt sözlərlə qarşılıq verib. Bu azmış kimi Pünhan Nəfəs ifa etdiyi zaman onun fanoqramını kəsib. Bu məqamda artıq Nəfəslə Pünhan arasındakı insident daha da qızışıb və qadın ifaçı həmkarına olmazın sözlərini deyib.

Pünhan verlişdə etiraf edib ki, onun bu etdiyi səhv hərəkət olub. Bu da onun çılğın gəncliyi ilə bağlıdır. Müğənni "bir də elə səhv etmərəm" deməklə olub-keçənlərə görə peşmançılığın dilə gətirib.