Fatih Terimdən “Qarabağ”la bağlı paylaşım

  "Qarabağ"ın dəvəti ilə Azərbaycanda səfərdə olmuş türkiyəli məşhur məşqçi Fatih Terim Ağdam klubuna təşəkkürünü bildirib.

Referans.az xəbər verir ki, o, "Instagram" hesabında yazıb:

"Mehriban dəvətinə görə "Qarabağ" klubuna təşəkkür edirəm. Komandaya uğurlu mövsüm arzulayıram".

Qeyd edək ki, Fatih Terim Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində "Qarabağ"ın təşəbbüsü ilə təşkil olunan futbol klublarının iqlim dəyişikliyi ilə mübarizədə birgə alyansının yaradılması ilə bağlı tədbirdə iştirak etmək üçün Bakıya gəlmişdi.