FHN voleybolçuları çempion oldu

  Gənclər və İdman Nazirliyinin voleybol zalında nazirliyin və Azərbaycan Voleybol Federasiyasının təşkilatçılığı ilə dövlət qurumları arasında voleybol yarışı keçirilib.

Referans.az xəbər verir ki, yarışda iştirak edən FHN-in kişilərdən ibarət yığma komandası yüksək nəticə göstərib.

9 komandanın iştirak etdiyi yarışda FHN-in komandası bütün rəqiblərinə qalib gələrək finala yüksəlib. Finalda isə SOCAR komandası ilə üz-üzə gələn FHN-in komandası 2:0 hesablı qələbə ilə yarışın çempionu adını qazanıb.

Qaliblərə Gənclər və İdman Nazirliyinin təsis etdiyi kubok və medalar təqdim edilib./Globalinfo.az