Meyvə yığmaq üçün dağa getdi, meyiti tapıldı - Qəbələdə müəmmalı ölüm 

Qəbələ dağlarında kişi meyiti tapılıb. 

Referans.az lent.az-a istinadən xəbər verir ki, araşdırmalar nəticəsində meyiti tapılan şəxsin Qəbələ şəhər sakini, 1958-ci il təvəllüdlü Yasər Həsənov olması müəyyən edilib.

Araşdırmalarla o da müəyyən edilib ki, Yasər Həsənov bir neçə gün əvvəl meyvə yığmaq adı ilə dağa gedib. Onun qayıtmadığını görən yaxınları polisə məlumat veriblər.

Aparılan axtarışlar nəticəsində Yasər Həsənovun cansız bədəni tapılıb. 

Faktla bağlı araşdırma aparılır.